የኢሕአዴግ በውድቀት አፋፍ?

ዋዜማ ራዲዮ- ገዥው ፓርቲ ኢሕአዴግ ውህድ (unified) ሳይሆን ጥምር (coalition/front) ግንባር በመሆኑ ከቅርብ ጊዜያት ወዲህ ውስጣዊ ፈተናዎች እየገጠሙት ነው፡፡ የመፈረካከስ አደጋም ያንዣበበት ይመስላል፡፡ ከአወቃቀሩ ስናየው ኢሕአዴግ በግንባርነቱ መቀጠሉ ዘግይቶ የሚፈነዳ ቦንብ መሆኑ አያጠራጥርም፡፡ በመሠረቱ ለ26 ዐመታት በግንባር ደረጃ መቆየት ውስጣዊ ቅራኔዎችን ከማፈን እና ከማስታመም እንጂ ከመግባባት ይመነጫል ብሎ ማሰብ ሞኝነት ነው ፡፡ ይህ ዘገባ ፓርቲው አሁን የደረሰበትን የውድቀት አፋፍ ይዳስሳል። አድምጡትየዚህ ዘገባ ጥቅል መረጃ ከስር በፅሁፍ ያገኙታል።

ገዥው ፓርቲ ኢሕአዴግ ውህድ (unified) ሳይሆን ጥምር (coalition/front) ግንባር በመሆኑ ከቅርብ ጊዜያት ወዲህ ፈተናዎች እየገጠሙት ነው፡፡ የመፈረካከስ አደጋም ያንዣበበት ይመስላል፡፡ ከአወቃቀሩ ስናየው ኢሕአዴግ በግንባርነቱ መቀጠሉ ዘግይቶ የሚፈነዳ ቦንብ መሆኑ አያጠራጥርም፡፡ በመሠረቱ ለ25 ዐመታት በግንባር ደረጃ መቆየት ውስጣዊ ቅራኔዎችን ከማፈን እና ከማስታመም እንጂ ከመግባባት ይመነጫል ብሎ ማሰብ ሞኝነት ነው የሚሆነው፡፡ በቅርቡ እንኳ ድርጅቱ ሊከፋፈል እንደሚችል አንጋፋው የግንባሩ ድርጅት ጉዳይ እና ፕሮፓጋንዳ ሃላፊ በረከት ስምዖን መናገራቸው እየሰማን ነው፡፡ የኢሕአዴግ ዴሞክራሲያዊ ማዕከላዊነት መርህ እና ውስጣዊ ዲሞክራሲው እየላላ መጥቷል፡፡ ያለ ዲሞክራሲያዊ ማዕከላዊነት ደሞ አንድነቱን ጠብቆ መቀጠል ይከብደዋል፡፡
ግንባሩ ሊገጥሙት የሚችሉት የቅራኔ መስኮች አንጻር ስናየው በአባል ድርጅቶች መካከል የሚፈጠረው የአግድሞሽ ቅራኔ፣ በማዕከላዊው ግንባር እና በአባል ድርጅቶች መካከል የሚፈጠር ተዋረዳዊ ቅራኔ እና በአባል ድርጅቶች ውስጥ የሚፈጠር ውስጣዊ ቅራኔ ብሎ መክፈል ይቻላል፡፡ ከቅርብ ጊዜ ወዲህ በሁለቱ መስኮች ማለትም በአባል ድርጅቶች መካከል እና በአባል ድርጅቶች ውስጥ ቅራኔዎች ማጎንቆል ጀምረዋል፡፡ በተለይ ሕዝባዊ አመጽ ከተቀሰቀሰ ወዲህ የኦሕዴድ እና ብአዴን የበታች እና መካከለኛ ካድሬዎች ከድርጅቶቻቸው የበላይ አመራር ጋር ብልጭ ድርግም የሚል ቅራኔ እንዳላቸው መታዘብ ይቻላል፡፡ በብአዴን እና በሕወሃት መካከልም ቅራኔዎች ታይተዋል፡፡
ከሁሉም በላይ ግን አሁን እየጎላ የመጣው ህዝቡ የክልል ፓርቲዎችን ፈንቅሎ የማመጹ ነገር ነው፡፡ ይሄ ደሞ ለድርጅቱ ምንም እድል የማይሰጥ ማዕበል ነው የሚሆነው፡፡
ግንባሩ ፍትሃዊ የስልጣን እና ሃብት ክፍፍል እጦት፣ የርዕዮተ ዐለም መዘበራረቅ፣ ጠባብነት፣ ብሄርን መጋረጃው ያደረገ ኪራይ ሰብሳቢነት የመሳሰሉ ችግሮች ቢኖሩበትም እስካሁን ጉልህ ቅራኔ ያላስተናገደው አባል ድርጅቶች “ቅድሚያ ለኢሕአዴግ” ለሚለው ህገ ደንብ ጥቅማቸውን ስላስገዙ እና የብዙዎቹ ድርጅታዊ ጥንካሬ የማያወላዳ በመሆኑ እንደሆነ ግልጽ ነው፡፡ ቀስ በቀስ ግን ግንባሩ አባል ድርጅቶቹን ማማለል የሚችልባቸውን ዕድሎች እያጣ ይመስላል፡፡ መዋቅሩ ከመጠን በላይ በመለጠጡ የካድሬዎቹን ፍላጎት ማሟላት የማይችልበት ደረጃ ላይ ሁሉ ስለደረሰ ውስጣዊ ቅራኔው እንደሚባባስ ነው የሚጠበቀው፡፡

እዚህ ላይ ታዲያ አደጋው ከታየው የተዋሃደ ህብረ ብሄራዊ ፓርቲ መሆንን ለምንድን ነው የሚያጓትተው? የሚል ጥያቄ ይነሳል፡፡ ኢሕአዴግ የአራት ብሄር-ተኮር ድርጅቶች ግንባር የሆነው የኢትዮጵያ መሰረታዊ ጥያቄ የብሄር ቅራኔ ነው ብሎ በማመኑ ቢሆንም የብሄር ጥያቄ ግን በህገ መንግስቱ ተፈትቷል፡፡
በህወሃት ክፍፍል ማግስት ግንባሩን ወደ ውህድ ህብረ-ብሄራዊ ፓርቲ ለመቀየር እንቅስቃሴ ተጀምሮ እንደነበር አብዮታዊ ዴሞክራሲ ጋዜጣ ላይ ሳይቀር ተዘግቦ ነበር፡፡ እንዲያውም የኢሠፓን ድርጅታዊ መዋቅር ጥርሳቸውን የነቀሉትን ጓድ ሽመልስ ማዘንጊያን ከእስር ፈትቶ በአማካሪነት ቀጥሮ ማስጠናት ጀምሮ እንደነበር መረጃዎች ነበሩ፡፡ ስራው ግን ገና እንጭጭ ላይ እያለ የ1997ቱ ምርጫ በመድረሱና በተለይ ሕወሃት የምርጫውን ውጤት ያነበበበት መንገድ ውህደትን አንቅሮ እንዲተፋ ስላደረገው በዚያው ተዳፍኖ እንደቀረ ነው የሚታመነው፡፡ ዛሬም የኢሕአዴግ ሃላፊዎች ስለ ውህደት ሲጠየቁ በደፈናው እየተጠና መሆኑን ከመናገር ውጭ ራሱን የቻለ አጥኝ አካል ተቋቁሞለት እና የጋራ ስምምነት ተደርሶበት እየተሰራበት ስለመሆኑ ምንም ፍንጭ መስጠት አይችሉም፡፡
ግንባሩ ባሁኑ ጊዜ ያሉት ውስጣዊ እና ውጫዊ ሁኔታዎች በቀዳሚዎቹ ጊዚያት ከነበሩት በበለጠ የተወሳሰቡ ናቸው፡፡ እናም ወደ ውህድ ፓርቲነት መሸጋገር የሚችልበት ጊዜ ከእጁ እያመለጠው ይመስላል፡፡ ከአቶ መለስ መሞት በተጨማሪ ባሁኑ ሰዓት የድርጅቱን አወቃቀር ከሀገሪቱ ተጨባጭ ነባራዊ ሁኔታ አንጻር ገምግሞ ወሳኙን መዋቅራዊ ለውጥ ለመለኮስ የሚችል እና ሀገር ዐቀፍ ራዕይ ያነገበ ማዕከላዊ አመራር ያለው አይመስልም፡፡
በርግጥ አራቱ አባል ድርጅቶች ፕሮግራሞቻቸው እና ህገ-ደንቦቻቸው ሙሉ በሙሉ ተመሳሳይ ስለሆኑ ለመዋሃድ ምንም ችግር እንደማይኖርበት የሚገልጹ ወገኖች አሉ፡፡ ድርጅቶቹ በየክልሎቻቸው የሚገጥማቸው ነባራዊ ተግዳሮቶች ግን ይለያያሉ፡፡ በሌላ በኩል ግንባሩ በተግባር ባልተመጣጠነ ግንኙነት ላይ የተመሰረተ ስለሆነ ነባራዊ ሁኔታው አንዴ መደፍረስ ከጀመረ እንደ ስልጣን እና ሃብት ክፍፍል የመሳሰሉ የተዳፈኑ ቅሬታዎች እና ፍላጎቶች አጎንቁለው ሊወጡ ይችላሉ፡፡ ውህደት በፓርቲ ሃብት፣ ስልጣን እና ፌደራላዊ ሥርዓቱ ከቆመበት የብሄሮች ሉዓላዊነት መርህ ላይ ጉልህ አንድምታ ያለው ነገር ነው፡፡
ባጠቃላይ ውህደትን ናፋቂ የሆኑ ቢያንስ ሁለት አባል ድርጅቶች ጠንክረው በመውጣት ነባራዊ ሁኔታውን ካልተገዳደሩ ውህደትን ማምጣት አስቸጋሪ ከመሆኑም በላይ አሁን የትኛው ውህደት ፈላጊ የትኛው ደሞ ነባራዊ ሁኔታውን አስጠባቂ እንደሆነ በርግጠኝነት መናገር ያስቸግራል፡፡
በርግጥ ኢህአዴግ ቢዋሃድ ህገ መንግስቱ ተቀዳሚ አላማው ያደረገውን የአንድ የፖለቲካ እና ኢኮኖሚ ማህበረሰብ ምስረታ አስተዋጽዖ ለማድረግ ያስችለዋል፡፡ ከአንገት ይሁን ከአንጀት በርግጠኝነት መናገር ባይቻልም ከቅርብ ጊዜ ወዲህ ደሞ አንድነትን እና የኢትዮጵያዊነት እሴቶችን መስበክ መጀመሩ ከውህድ ህብረ ብሄራዊ ፓርቲ አወቃቀር ጋር አብሮ ይሄድለታል፡፡ በአራቱም ክልሎች አንጻራዊ ተቀባይነት ያለው መዋቅር መዘረጋት እና ርዕዮተ ዐለም ማስረጽ ይችላል፡፡ ህብረ ብሄራዊነቱ እየገዘገዙት ያሉትን አፍራሽ ብሄርተኝነት፣ ኪራይ ሰብሳቢነት እና ጠባብነት የመሳሰሉ ችግሮችንም ለመግታት ይጠቅሙታል፡፡ ባጠቃላይ ውህደት አሁን የገባበትን የቅቡልነት ቀውስ እንዲያቃልልለት መገመት አይከብድም፡፡

ከህጋዊ ማዕቀፍ አንጻር ስናየው በ2000 ዓ.ም የተሻሻለው የፖለቲካ ፓርቲዎች ምዝገባ አዋጅ “ውህደት”ን የሚፈቅድለት ቢሆንም ወደ ኢሕአዴግ መተዳደሪያ ደንብ ስንመጣ ግን የተለየ ነገር ነው የምናገኘው፡፡ የፖለቲካ ፓርቲዎች አዋጅ ግን ማንኛውም የፖለቲካ ድርጅት ራሱን ስለሚያፈርስበት ወይም ስለሚበትንበት አግባብ በመተዳደሪያ ደንቡ መግለጽ እንዳለበት ያስገድዳል፡፡ የኢህአዴግ መተዳደሪያ ደንብ ግን ከሌሎች ፓርቲዎች በተለየ በውሀደት ወይም በሌላ መነገድ ስለሚፈርስበት ሁኔታ አንድም አንቀጽ አልተካተተም፡፡ ውህደት የረዥም ጊዜ ግቡ ስለመሆኑ እንኳ በቀጭን መስመር በመተዳደሪያ ደንቡ አልጠቀሰም፡፡ ይሄ ሁሉ እንግዲህ ግንባሩ ከመነሻውም ሆነ በሂደት ውህደትን የመጨረሻ ግብ አድርጎ እንዳልያዘው አመላካች ተደርጎ ሊወሰድ ይችላል፡፡

Advertisements
Posted in Uncategorized | Leave a comment

በኦሮሚያ ክልል የአምቦ ከተማ አስተዳደር የኮሚኒኬሽን ሀላፊ ለቪኦኤ ተናገሩ

Posted in Uncategorized | Leave a comment

Activist Mesfin Feyissa Showered with Love in Seattle

Activist Mesfin Feyissa Showered with Love in Seattle – 2017

Posted in Uncategorized | Leave a comment

Riqicha: Gaaffii fi Deebii Addaa HD ABO, Obbo Daawud Ibsaa – Kutaa 1ffaa

Posted in Uncategorized | Leave a comment

Ethiopian activist disrupts WHO assembly to protest Dr. Tedros Adhanom

Ethiopian activist disrupts WHO assembly to protest Dr. Tedros Adhanom

“No Tedros, No Tedros,” shouts an Ethiopian activist from the press gallery at the annual World Health Organization assembly, while his compatriots hold a huge rally outside the Palace of Nations in Geneva.

Posted in Uncategorized | Leave a comment

የአዲስ አበባ ሆቴሎች በአስቸኳይ ጊዜ አዋጁ ምክንያት የ380ሚሊዮን ብር ኪሳራ ..

የአዲስ አበባ ሆቴሎች በአስቸኳይ ጊዜ አዋጁ ምክንያት የ380ሚሊዮን ብር ኪሳራ እንደደረሰባቸው ይፋ አደረጉ

የአዲስ አበባ ሆቴሎች በአስቸኳይ ጊዜ አዋጁ ምክንያት የ380ሚሊዮን ብር ኪሳራ እንደደረሰባቸው ይፋ አደረጉ

የአዲስ አበባ ሆቴሎች በአስቸኳይ ጊዜ አዋጁ ምክንያት የ380 ሚሊዮን ብር ኪሳራ እንደደረሰባቸው ይፋ አደረጉ

የዚህ ዓመት ትርፍ ግብር ይነሳልን አለያም የብድር መክፈያ ጊዜ ያራዝምልን ብለዋል

– ዓመታዊው የአዲስ አበባ ቱሪዝም መጽሔት ለሁለተኛ ጊዜ ታትሟል  

(Ethiopian Reporter) -በአዲስ አበባ የሚንቀሳቀሱ ሆቴሎች በአገሪቱ በተከሰተው ሕዝባዊ ተቃውሞ ምክንያት በታወጀው የአስቸኳይ ጊዜ አዋጅ ይህንን ተከትሎ አገሮች ባወጡት የጉዞ ክልከላና ማስጠንቀቂያ ሳቢያ በዚህ በጀት ዓመት የመጀመሪያው ሩብ ዓመት ብቻ የ380 ሚሊዮን ብር ኪሳራ እንዳጋጠማቸው አስታወቁ፡፡

በአዲስ አበባ ከሚገኙ 150 ሆቴሎች ውስጥ 105ቱ የሚወከሉበት የአዲስ አበባ ሆቴሎች ባለንብረቶች የዘርፍ ማኅበር ኃላፊዎች፣ ሚያዝያ 11 ቀን 2009 ዓ.ም. በሰጡት ጋዜጣዊ መግለጫ ወቅት ይፋ እንዳደረጉት በአገሪቱ የተከሰተውን ግጭት ተከትሎ የታወጀው አስቸኳይ ጊዜ አዋጅና አገሮች ያወጧቸው የጉዞ ክልከላዎች ባደረሱት ጫና ምክንያት ሆቴሎች ከዚህ ቀደም የነበራቸውን የ67 በመቶ የክፍል ተከራዮች ቁጥር በአማካይ በ20.5 በመቶ እንዲቀንስባቸው ምክንያት ሆነዋል፡፡

ይህንን በማስመልከት ሆቴሎቹ ለባህልና ቱሪዝም ሚኒስቴር አጥንተው አቅርበው እንደነበር የገለጹት፣ የማኅበሩ ፕሬዚዳንት አቶ ቢኒያም ብሥራት ናቸው፡፡ የጁፒተር ኢንርናሽናል ሆቴል ሥራ አስኪያጅ የሆኑት አቶ ቢኒያም እንዳብራሩት ከሆነ፣ በሆቴል ዘርፉ ብቻም ሳይሆን በኢኮኖሚው ውስጥ በተለያዩ የኢንቨስትመንት መስኮች ላይ የደረሰውን ጉዳት ሁሉም እንደሚገነዘበው ጠቅሰው፣ በቱሪዝም መስክ የደረሰውን ጉዳት ያባባሰው ግን አገሮች ዜጎቻቸው ወደ ኢትዮጵያ እንዳይጓዙ የሚከለክሉና የሚያስጠነቅቁ ማሳሰቢያዎችን ማውጣታቸው ነው፡፡

በዚህ ምክንያት ከመጀመሪያው ሩብ ዓመት ጀምሮ አሁንም ድረስ የሆቴሎች ደንበኞች ቁጥር በቀነሰበት አሐዝ መጠን ላይ እንደሚገኝ የገለጹት አቶ ቢኒያም፣ ባህልና ቱሪዝም ሚኒስቴር የደረሰውን ጉዳት አሳውቁኝ ባለው መሠረት በወቅቱ እንዲያውቀው መደረጉን ጠቅሰዋል፡፡ ይሁንና የደረሰውን ጉዳት በራሱ ለማጣራት በመፈለጉ እስካሁንም ድረስ ለቀረበው ጉዳት ምላሽ እንዳልተሰጠበት አስታውቀዋል፡፡

ሆቴሎች ደርሶብናል ያሉትን ኪሳራ ለማካካስ መንግሥት ማድረግ ይገባዋል ያሏቸውን ጥያቄዎችም ይፋ አድርገዋል፡፡ በዚህ በጀት ዓመት መክፈል የሚጠበቅባቸውን የንግድ ትርፍ ግብር እንዲነሳላቸው ማድረግ አንደኛው አማራጭ እንደሆነ የገለጹት አቶ ቢኒያም፣ ከዚህ ባሻገር አብዛኞቹ ሆቴሎች ያለባቸውን የባንክ ዕዳ ከነወለዱ የመክፈያ ጊዜ በአንድ ዓመት እንዲራዘምላቸው ማድረግም ሌላኛው አማራጭ ተደርጓል፡፡ ወይም ደግሞ የደረሰውን ኪሳራ የሚያካክስ ገንዘብ እንዲሰጣቸው ማድረግ ለመንግሥት የቀረቡ የኪሳራ ማካካሻ መፍትሔዎች ቢሆኑም እስካሁን የመንግሥት ምላሽ ይጠናል የሚል እንደሆነ ተገልጿል፡፡

በሌላ በኩል በአገሪቱ የሆቴል ኢንዱስትሪ ውስጥ የሚታየውን የሠለጠነ የሰው ኃይል እጥረት ለማቃለል የሆቴል ባለሙያዎች ማሠልጠኛ አካዴሚ ለመመሥረት ዝግጅት እየተደረገ እንደሚገኝ አቶ ቢኒያምና ሌሎች የማኅበሩ ኃላፊዎች አስታውቀዋል፡፡ የአካዴሚው አጠቃላይ ሁኔታ በመጪው ነሐሴ ወር ይፋ እንደሚደረግ የጠቀሱት ኃላፊዎቹ፣ ይህም የማኅበሩን 20ኛ ዓመት የምሥረታ በዓል በማስታከክ እንደሆነ ተናግረዋል፡፡ ሆቴሎች በሰው ኃይል እጥረት ሳቢያ እርስ በርስ ከመነጣጠቅ ባሻገር፣ ልዩ ልዩ የምርት ግብዓቶችን የማግኘት ችግር እያጋጠማቸው እንደሚገኙም የማኅበሩ ምክትል ሰብሳቢና የኢንተርኮንቲኔንታል አዲስ ሥራ አስኪያጅ አቶ ዜናዊ መስፍን ገልጸዋል፡፡

ከ20 ዓመት በፊት በ15 ሆቴሎች የተመሠረተው ማኅበር ቀደምት ስያሜው የአዲስ አበባ ሆቴሎችና ሬስቶራንቶች አሠሪዎች ማኅበር እንደነበር ሲጠቀስ ሆኖም በየጊዜው በከተማው ውስጥ እየታየ ካለው ለውጥና ሆቴሎችም ከሚገኙበት ዕድገት አኳያ ለብቻቸው በመውጣት የአሁኑን ማኅበር ለመመሥረት እንዳበቃቸው ጠቅሰዋል፡፡

እንደ አቶ ቢኒያም ትንታኔ ባለፉት ስምንትና ዘጠኝ ዓመታት ውስጥ በየወሩ አንድ ሆቴል እየተገነባ መቆየቱን፣ በመጪዎቹ ሦስት ዓመታት ውስጥም በየሦስት ወሩ ሁለት ሆቴሎች እየተገነቡ እንደሚገኙ ለማወቅ ተችሏል፡፡ በአገሪቱ በግንባታ ሒደት ላይ የሚገኙ ከ100 ያላነሱ ሆቴሎች እንደሚገኙ የጠቀሱት አቶ ቢኒያም ከእነዚህ ውስጥ እስከ 25 በመቶ የሚገመቱት ዓለም አቀፍ ብራንድ ያላቸው የውጭ ሆቴሎች እንደሆኑ አስታውቀዋል፡፡

የአዲስ አበባ ሆቴል ባለንብረቶች ማኅበር ባለፈው ዓመት ማሳተም የጀመረውን የአዲስ አበባ ቱሪዝምና ሆቴሎችን የሚያስተዋውቅ መጽሔት ሁለተኛ ዕትም ይፋ አድርጓል፡፡ በእንግሊዝኛ ቋንቋ ሙሉ በሙሉ በአገር ውስጥ ባለሙዎች ተሰናድቶ፣ ዓለም አቀፍ ደረጃውን ጠብቆ የሚታተመው ‹‹አዲስ አበባ ቱሪዝም ጋይድ 2017›› የተሰኘው መጽሔት፣ በአገር ውስጥ ለሚገኙ ኤምባሲዎችና ቆንፅላዎች፣ ለተባበሩት መንግሥታት ኤጀንሲዎች፣ እንዲሁም ማኅበሩ በሚሳተፍባቸው ዓለም አቀፍ ንግድ ትርዒቶችና የንግድ ለንግድ መድረኮች እንደሚያሠራጨው ታውቋል፡፡

Posted in Uncategorized | Leave a comment

Ethiopia: BBN Daily News April 18, 2017

Posted in Uncategorized | Leave a comment